AmbonVibes.com — Pemerentah Kota Ambon ada kase bantuan 35 paket koi, bolsak saprei ka Lembaga Pembinaan Khusus Anak (LPKA) Kelas II Ambon.
Bantuan ka Kantor Wilayah Direktorat Jenderal Pemasyarakatan (Ditjenpas) Maluku sabage bageang dukungan paningkatan sarana pambinaan anak binaan.
Wali Kota Ambon Bodewin Wattimena kase bantuan itu langsung vor Kapala LPKA Kelas II Ambon Kurniawan Wawondos, di muka jajaran Kanwil Ditjenpas Maluku deng parwakilan Pemerintah Kota Ambon, Selasa (16/12/2025).
Kapala Bagian Tata Usaha dan Umum Kanwil Ditjenpas Maluku Sarwono sampekan apresiasi atas parhatian Pemerintah Kota Ambon vor anana binaan di LPKA.
“Bantuan ini paleng pung manfaat dalang manunjang sarana deng prasarana hunian yang layak, deng bikin tambah anana binaan pung rasa nyaman salama masa pambinaan,” ujar Sarwono.
Dia nilai dukungan ini jadi bageang panting vor wujudkan sistem pambinaan yang lebe manusiawi dan orientasi par hak anak.
Wali Kota Ambon Bodewina Wattimena tegaskan komitmen pemerentah daerah par tarus dukung upaya pambinaan dan pamenuhan hak-hak anak, deng samua yang ada dapa bina di LPKA.
“Pemerentah Kota Ambon harap bantuan ini bisa kase dampak positif par paningkatan kualitas pambinaan deng kasejahteraan ana binaan,” ungkap Bodewin.
Katua DPRD Kota Ambon Morits L. Tamaela kase dukungan DPRD par kolaborasi lintas sektor dalang hal biking bae kualitas pambinaan.
“Katong harap bantuan ini dong pake deng optimal par jadi bageang dar upaya barsama biking lingkungan pambinaan yang manusiawi deng pono martabat,” ungkap Morits.
Kapala LPKA Kelas II Ambon Kurniawan Wawondos kase apresiasi par bantuan itu. Dia tekankan, fasilitas hunian yang layak marupakan bageang panting dar pambinaan basis Hak Asasi Manusia.
“Salah satu upaya pambinaan deng basis HAM itu sadia fasilitas koi yang layak. Ini faktor penting par ciptakan lingkungan pambinaan yang humanis deng kondusif, satu jalang deng prinsip pamasyarakatan,” pungkasnya.
Deng tajaling sinergi Kanwil Ditjenpas Maluku deng Pemerentah Kota Ambon, samua harap proses pambinaan di LPKA Kelas II Ambon bisa bajalang lebe optimal dan kase masa depan yang lebe bae vor anana binaan. (Leo)
