AmbonVibes.com – Ada kaco dua kampung di Tanimbar. Warga Alusi Kelaan deng Alusi Krawain Kecamatan Karmomolin, Kabupaten Kepulauan Tanimbar, bakalae, Sabtu (6/12/2025). Warga pake sanjata tajang, busur-panah, dan sanapang anging. Akibat bakalae ini, 29 warga dapa luka dan musti dapa bawa ka puskesmas deng rumah sakit.
Kapolres Kepulauan Tanimbar AKBP Ayani bilang, tagal mo pele par biking bae situasi, anggota Bhabinkamtibmas Alusi Krawain Bripka Salvanus Andri Ivakdalam juga dapa panah di kaki.
Dar informasi yang AmbonVibes.com dapa, kaco ini kamuka muncol tagal pemuda Alusi Krawain berinisial KS (20) dapa pukol waktu mo pulang dar Saumlaki, Jumat (5/12) malang. Warga Alusi Krawain yang seng tarima bae, langsung usaha mo balas, sampe akhirnya pica kaco warga dua kampung.
“Sabalong bentrok pica, polisi su negosiasi deng dua kelompok yang batumpuk di batas kampong. Kapolsek Kormomolin Ipda I GD Hendra B. Arimbawa turung par mediasi,” ujar AKBP Ayani.
Menurut AKBP Ayani, waktu polisi biking barikade deng usaha hantam. Massa mulai baku lempar deng lepas ana panah.
Abis bentrok, kondisi di dua desa su dapa kendali. Aparat gabungan dari Brimob, Polres, deng Polsek masih siaga di batas par cegah jang sampe bakalai kumbali.
Sakarang, proses mediasi masih tarus bajalang deng tokoh adat, masyarakat, dan pemerentah dua desa. Kapolres Kepulauan Tanimbar minta warga tahang diri dan biking abis pake jalur musyawarah atau lapor k Bhabinkamtibmas deng Polsek.
“Katong harap masyarakat dua desa seng gampang makang cabar lalu bisa jaga situasi kamtibmas yang aman deng kondusif,” pungkas AKBP Ayani. (red)
Simak berita dan artikel porostimur.com lainnya di Google News
Ikuti yang terbaru di WhatsApp Channel porostimur.com
