AmbonVibes.com — Anggota Komisi III DPRD Provinsi Maluku Allan Lohy minta PT Pelayaran Nasional Indonesia (Pelni) kase pasti kasiapan layanan transportasi laut par maso-maso masa vakansi Har Kajadiang deng Rambaru (Nataru). Dia sampekan parmintaan itu di Ambon, Kamis (4/12/2025).
“Biasa kalo su tanggal 20 Desember, aros pulang kampong tamba nae. Satiap parusahaan transportasi siap posko, tarmasuk par layanan kesehatan. Apa Pelni jua pung posko khusus pr periode ini?” Tanya Allan.
Allan tekankan parsiapan posko pamantauan arus pulkam ini panting, biasa dong buka saat kajadiang jumlah panumpang malonjak nae. Dia juga soroti kalanjutan program pulkam gratis dar Kementerian Perhubungan, yang taong kamareng bisa jangkau sampe rute Tual, Seram Bagian Timur, deng wilayah perintis laeng.
“Masyarakat paleng suka program ini, lebe-lebe waktu vakansi sakola deng Har Kajadiang. Katong harap program ini bisa bale biking akang,” tambah Allan.
Mananggapi parmintaan Allan Lohy, General Manager PT Pelni Cabang Ambon Marthin Heriyanto bilang, parusahaan seng buka posko mandiri, malaengkan bagabung dalang Posko Terpadu Nataru, itu otoritas palabuhan yang ator akang..
“Sajumlah patugas Pelni mo siaga di posko itu par pantau operasional dan pargarakan panumpang,” jelas Marthin.
Soal program mudik gratis, Marthin mangaku masih tunggu konfirmasi dari pusat. “Kalo program mudik gratis bisa biking kumbali, Pelni lakas-lakas umumkan akang pung mekanisme,” ujarnya.
Marthin tegaskan, PT Pelni Cabang Ambon siap dukung kalancaran arus pulkam Nataru, deng nanti tunggu kaputusan final dar Kamenterian Parhubungan soal program pulkam gratis taong ini. (Leo)
