AmbonVibes.com — Polemik panyaluran Bahan Bakar Minyak (BBM) di Pulau Babar su sampe di puncak. Wakil Katua Komisi II DPRD Provinsi Maluku Jhon Laipeny deng suara karas minta tutu samantara SPBU Tepa, milik pengusaha Marten Luther, tagal ada dugaan praktik ilegal yang biking rugi orang banya di Tepa.
Laipeny tuduh SPBU itu timbun, simpang, deng jual BBM Deng harga jao di atas katantuan Pertamina, sampe-sampe masyarakat pulau kacil susah dapa bahan bakar yang jadi kabutuhan vital harhari.
Manurut Laipeny, harga Pertalite resmi Rp12.800 per liter di SPBU, mar warga tarpaksa Bali deng harga Rp18.000 per liter. Bahkan, ada laporan panjualan 33 liter harga Rp500 ribu.
“Masyarakat Tepa dapa caka. Dong dapa paksa bali dar pangecer yang katong duga dapa pasokan ilegal dar SPBU ini,” ujar Laipeny geram, Salasa (2/12/2025).
Laipeny juga soroti panemuan 15–20 drom BBM yang dong sambunyi di gudang ilegal deka pante.
“Ini bukang fasilitas Pertamina! Ini jalas palanggaran,” tegasnya.
Salaeng harga, kabijakan SPBU Tepa yang cuma buka mulai jam 09.00 WIT dia nilai akang hambat ekonomi warga.
“Alasan apa SPBU baru buka jam bagitu gitu? Masyarakat butuh BBM dar pagi par pi malaut, batani, dan aktivitas laeng. Ini jelas hambat perekonomian masyarakat,” ujar Laipeny.
Dia desak Pertamina dan pemerentah daerah lakas ambe langkah tegas, bahkan kase paringatan karas.
“Kalo seng ada tidakan nyata, Beta sandiri yang mo turung ka lapangan. Masyarakat su talalu lama sangsara,” kata Laipeny.
Menanggapi tudingan itu, Sales Branch Manager Maluku II Pertamina Yasudah janji mo investigasi akang.
“Katong mo cek langsung ka lapangan, par cari tau kabanaran informasi ini. Katong juga mo selidiki alasan pambatasan pambalian BBM, yang masyarakat ada bilang akang,” katanya. (Leo)
