AmbonVibes.com – Pemerentah Kota (Pemkot) Ambon tarus ambe inisiatif strategis par biking kuat tata kelola pemerentahan, biking aman kota, deng dorong kualitas layanan publik pake teknologi kecerdasan buatan alias Artificial Intelligence (AI). Tagal itu Pemkot tarima perusahaan yang sadia solusi AI par modernisasi layanan pemerentah daerah, AssistX.
Wali Kota Ambon Bodewin Wattimena pimpin pertemuan deng AssistX. Ada Pj. Sekretaris Kota Robby Sapulette, Kapala Dinas Kominfosandi Ronald H. Lekransy, deng CEO AssistX Bisma Manda Samsu. Audiensi ini bentuk respons Pemkot Ambon par dinamika kota yang tambah kompleks, mulai dar keamanan lingkungan, mobilitas masyarakat, sampe kabutuhan data capat deng akurat par ambe kaputusang.
Dalang paparan, AssistX kase unjuk dong pung teknologi utama, salah satunya AssistX Vision, sistem pangawasan terpusat deng basis AI. Teknologi ini dong rancang par taruh di titik-titik strategis kota dan mampu biking integrasi data visual, deteksi otomatis, analisis perilaku, sampe kase peringatan dini soal potensi insiden yang baganggu ketertiban dan keselamatan publik.
Sistem ini kas takumpol samua informasi dalang satu platform terpadu jadi bosa pantau real-time deng koordinasi lintas instansi jadi lebe efektif. Upaya ini dong nilai salaras deng Ambon pung kaparluan sabage kota-pulau yang pung tantangan sandiri par jaga keamanan deng kalancaran aktivitas masyarakat.
Salaeng sistem pengawasan, AssistX juga tawarkan AssistX Suite, platform AI khusus par proses dokumen dan manajemen pengetahuan. Teknologi ini mampu sareng informasi otomatis, klasifikasi dokumen, deng pencarian cerdas yang bisa biking capat alur karja birokrasi, tambah akurasi data, dan pastikan dokumentasi pemerentah lebe tartib deng gampang par care akang.
Wali Kota Ambon Bodewin Wattimena tarima bae presentasi AssistX. Dia bilang, teknologi AI pung peran penting par transformasi layanan publik.
“Prinsipnya, Pemkot salalu buka diri par inovasi yang bisa biking bae kualitas layanan publik. Kahadirang AssistX harap bisa kase peluang basar par biking kuat kaamanan kota, biking capat proses administrasi, deng hadirkan layanan yang lebe efektif par masyarakat,” ujarnya.
Lebe jao, Wali Kota minta Dinas Kominfo par ambe langkah dar hasil audiensi lalu kaji akang iko parencanaan yang su susun par Ambon yang lebe aman, cerdas, deng barkalanjutan.
“Integrasi sistem pangawasan cerdas dan document intelligence ini hatap jadi fondasi penting par biking capat implementasi Smart City di Ambon, paningkatan kapatuhan regulasi, deng panguatan palayanan publik. Pemkot yakin samua yang bae ini ka muka nanti, tambah biking kuat kapasitas pemerentah daerah skaligus jawab kabutuhan masyarakat par layanan yang lebe capat, aman, dan transparan,” tutupnya. (Leo)
