AmbonVibes.com – Dinas Pariwisata Kota Ambon ada biking siap festival tutu taong, Desember, eso-eso. Akang bukang cuma par rame-rame mar juga biking kuat Ambon yang beken deng kota toleran, skaligus kase ruang par usaha ekonomi kreatif lokal.
Kapala Dinas Pariwisata Kota Ambon Christian Tukloy kastau, festival ini jadi ruang bakudapa lintas komunitas, skaligus bageang dar strategi par ukur deng biking kuat indikator toleransi di kota.
“Ini bukang kegiatan keagamaan, mar tradisi yang biking kuat misi Wali Kota Ambon tentang Ambon yang toleran. Eso-eso, katong juga rencana biking festival Ramadan deng festival laeng par biking ruang kebersamaan jadi lebe luas,” ujar Tukloy, Jumat (21/11/25) di Balai Kota Ambon.
Festival tutu taong nanti mo libatkan Pengurus Cabang dan Ranting Angkatan Muda Gereja Protestan Maluku (AMGPM) sebage penyelenggara Santa Claus Parade, sedangkan rangkaian laeng nanti Dinas Pariwisata urus akang.
Kegiatan laeng yang ada dong siap akang antara laeng expo UMKM, flashmob, panggung hiburan pake lagu-lagu Natal, deng hiburan anana.
Samua dapa rancang par bisa kas iko komunitas-komunitas, OPD, UMKM, dan pelasik lokal, sehingga suasana persaudaraan rasa lebe kantara.
Festival nanti buka di Taman Pattimura, 1 Desember, mar Dinas Pariwisata masih kurasi jumlah peserta UMKM dan ator lokasi.
Tukloy tambahkan, kalo memungkinkan, sebageang kegiatan nanti pake kintal muka depan kantor komputer par sosialisasi.
“Katong harap festival ini bukang rame saja mar juga bentuk ekosistem yang dukung pariwisata deng dorong perputaran ekonomi masyarakat Kota Ambon,” tambah Tukloy.
Festival tutu taong ini samua harap jadi momentum kebersamaan lintas komunitas skaligus dorongan nyata par ekonomi kreatif lokal. (New)
