AmbonVibes.com – Dewan Perwakilan Rakyat Daerah (DPRD) Provinsi Maluku biking inga Pemerintah Daerah (Pemda) deng samua instansi par biking siap samua-samua yang parlu par maso hari Kajadiang deng Tambaru (Nataru) 2025–2026.
Anggota Komisi III DPRD Provinsi Maluku Rovik Akbar Afifudin bilang, aktivitas saban taong macang pulkam ini musti jadi prioritas utama.
“Katong seng lama lai maso Nataru. Ada hal rutin saban taong, musti sadia akang tempo-tempo, par samua bajalang deng bae, warga bisa rasa sanang,” ujar Rovik Afifudin kepada wartawan di Ambon, Kamis (20/11/2025).
Rovik sorot potensi masalah di sektor transportasi, terutama mobilitas masyarakat yang mo pulkam bagitu tinggi. Secara khusus dia biking inga samua pihak termasuk Perusahaan Daerah (PD) Panca Karya, par pastikan kelancaran arus transportasi salama Nataru.
“Katong minta par hal ini dong perhatikan deng serius, terutama soal pulkam. Ini akang pung implikasi langsung par katong pung sistem transportasi. Jang samp ada kendala yang halangi transportasi untuk mudik,” tegasnya.
Dia juga singgung pengalaman macet parah di kawasan Waipirit–Liang beberapa waktu lalu. Menurut dia, kajadian macang bagitu seng boleh taulang kumbali tagal bisa bawa dampak lebe basar, kalo seng taruh kira deng bae.
“Kalamarwng, di Waipirit sa su macet Basar mudel bagitu. Itu bisa jadi masalah Basar kalo seng cari akang pung jalang kluar,” tambahnya.
Rovik harap koordinasi lintas sektor bisa biking jalang deng bae. Banya pihak karja sama itu Lebe Bae par biking lancar kendaraan, keamanan, dan kenyamanan masyarakat selama Nataru.
Dia juga tekankan parlu paskali sosialisasi yang efektif terkait pengaturan lalu lintas dan informasi penting laeng.
“Beta sangat harap samua ini bisa dapa ator deng bae, banya pihak Iko sama-sama lalu sosialisasi lebe luas par masyarakat. Deng persiapan matang dan koordinasi yang baie, katong bisa biking kurang potensi masalah deng Kase pengalaman Nataru yang aman dan nyaman par samua,” pungkasnya.
Komisi III, lanjut dia, pung komitmen tarus kontrol dan dukung Pemda par biking siap dan rayakan hari Kajadiang deng Tambaru, par rasa nyaman dan sejahtera samua orang Maluku. (Keket)
