AmbonVibes.com – Maski pemerentah su ambe langkah streng deng tarek paksa oto dinas dar mantan-mantan pejabat Pemprov Maluku, mar masih ada yang seng mo kaspulang ato balong mo kasbale.
Dari informasi yang ada, nama mantan-mantan yang balong kasbale oto dinas yang dong su pake waktu masih di kadera jabatan, itu ada orang-orang basar.
Barisan mantan yang masih kuasai aset daerah itu adalah Suryadi Sabirin, Lutfi Rumbia, Mira Padang, deng Sartono Pining.
Syuryadi Sabirin, dapa tau masih pake oto dinas yang dolo pake tagal jadi Kapala Dinas DPMPTSP. Bagitu lai deng Lutfi Rumbia yang sampe oras masih pake oto dinas sejak jadi Kapala Dinas Ketahanan Pangan.
Pejabat laeng yang sampe sakarang masih barat hati kasbale oto dinas itu Mira Padang, dolo jadi Kabid Pengawasan Dinas Perikanan.
Salaeng itu, ada satu mantan lai, mantan Kapala Dinas Sosial Sartono Pining. Sampe tadi ini, bebas pake aset milik pemerintah daerah tersebut.
Sumber internal di Kantor Gubernur kastau, jumlah oto dinas yang ada dalang tangang para mantan akang sampe 34 unit. Pemerentah su Tarek 22 unit. Kalo motor, ada 81 unit, mar yang su Tarek ada 47 unit.
Anggota Komisi III DPRD Maluku Rovik Akbar Afifudin ada usul oto Deng motor itu tarek akang, lalu jual pake lelang. Akang pung hasil par tambah-tambah kepeng daerah. (red/sl)
