AmbonVibes.com – PT Elnusa Tbk kumbali turung tangan jaga laut. Dong baru abis biking Aksi Konservasi Laut: Penanaman dan Transplantasi Terumbu Karang di perairan Morella, Kecamatan Leihitu, Maluku Tengah, Kamis (13/11/2025).
Aksi ini jadi bageang dar program Green Action 2025, langkah nyata Elnusa par dukung ekosistem lestari deng ajak masyarakat lebe kalesang par jaga pesisir dan bawah laut Indonesia.
Sama-sama deng komunitas lingkungan SeaSoldier, tim Elnusa su tanang 556 bibit karang deng 35 struktur “spider” di dasar laut kedalaman 3–5 meter. Semua bibit itu nanti dong cek tarus, dong piara satu taong par dapa tau akang batumbu deng bae.
“Aksi konservasi ini bukang cuma par seremoni, mar komitmen nyata katong par jaga laut deng lingkungan hidop,” ujar Corporate Secretary PT Elnusa Tbk, Rustam Aji.
Salaeng tanang karang, Elnusa juga ajak murid Madrasah Ibtidaiyah Al Hilaal Negeri Morella iko sesi edukasi lingkungan yang dong biking akang pas rame deng interaktif.
Anana dapa ajak par tau jaga laut, seng lego sampah ka laut, diajak kenal pentingnya menjaga laut. Elnusa pake permainan deng kuis par sampekan pesan lingkungan.
Kegiatan ini libatkan Perwira Elnusa, Pemerentah Negeri Morella, Rumah BUMN Pertamina, deng masyarakat pesisir. Abis edukasi, samua peserta lanjut deng aksi barsih pante rame-rame.
“Kolaborasi macang bagini paleng penting. ni penting banget. Selain jaga keseimbangan alam, juga bisa bikin tumbuh rasa cinta bumi di hari anana muda,” tambah Rustam.
Lewat kegiatan ini, Elnusa iko kontribusi pada Tujuan Pembangunan Berkelanjutan (SDGs), khususnya SDG 13 (Penanganan Perubahan Iklim) dan SDG 14 (Ekosistem Laut).
Program Green Action 2025 di Morella jadi bukti, urusan jaga lingkungan bukang cuma tugas pemerentah, mar juga tanggung jawab samua — dunia usaha, komunitas, dan masyarakat, tagal laut yang barsih deng sehat, itu akang pung arti masa depan juga aman deng lestari.
PT Elnusa Tbk (Elnusa) ini anak usaha PT Pertamina (Persero) dar Subholding Upstream Pertamina Hulu Energi. (Piere)
