AmbonVibes.com – Pemerintah Kota Ambon kumbali kase inga warga yang piara anjing par wajib vaksin rabies. Selain itu, seng boleh kas biar anjing bebas bajalang kasana kamari di tampa-tampa orang banya ada tinggal.
Peringatan soal anjing ini, akang kaluar dar Sekretaris Kota Ambon Robby Sapulette waktu bicara dalang program Wali Kota dan Wakil Wali Kota Jumpa Rakyat (WAJAR) di Balai Kota, Jumat (7/11/2025).
Robby tekankan, Pemkot Ambon konsisten dalang menindaklanjuti surat edaran Wali Kota soal pengendalian rabies.
“Katong konsisten deng surat edaran Wali Kota. Anjing harus dapa rante deng wajib vaksin. Pemerintah mo baku ator deng Camat, Raja, Kades, dan Lurah par data setiap peliharaan,” jelas Robby.
Plt. Kepala Dinas Pertanian Kota Ambon Ir. G. D. S. Nendissa ada tambah lai, anjing liar banya-banya itu seng ada dong pung tuan.
“Langkah yang diambil adalah kirim surat edaran Wali Kota tentang pengendalian rabies. Tanggung jawab ada pada setiap kepala wilayah par pastikan sapa pung anjing,” ujar Nendissa.
Wakil Wali Kota Ambon Ely Toisutta tegaskan, keluhan warga Benteng soal anjing bajalang takaruang, anjing pup, samua dapa perhatian serius pemerenth.
“Ini catatan penting penting par katong. Anjing di Ambon ada di mana-mana. Katong musti ambe langkah konstruktif par bisa tangani deng bae,” tegas Ely.
Pemkot Ambon tegaskan, jika anjing terbukti rabies, pemiliknya tidak mau mangaku mar kalo anjing sehat, tuan anjing tetap mo tanggungjawab.
Pemerintah kota juga rencana biking atorang yang lebe fokus par kontrol hewan piara yang bajalang bebas di sagala tampa. (Piere)
