AmbonVibes.com – Bakas Bendahara Satpol PP Kabupaten Seram Bagian Barat (SBB) Alfred Browny Titalessy dapa hukuman barat dar Majelis Hakim Pengadilan Negeri (PN) Ambon.
Pengadilan kas unju bukti nyata-nyata yang laklaki biking aksi cabulan sampe tidor deng ana gandong parampuang dua orang, yang dong pung umor balong sampe-sampe.
Hakim Ketua Martha Maitimu baca akang putusan, deng dua hakim anggota ada batamang dalang sidang di PN Ambon, Senin (3/11/2025).
Majelis hakim toki martelu par vonis 20 taong bui. Akang dua taong lebe Brat dar Jaksa Penuntut Umum (JPU) yang manuntut 18 taong maso bui.
“Mengadili terdakwa Alfred Browny Titalessy deng pidana penjara selama 20 taong dan tetap ada dalang tahanan,” tegas Hakim Ketua Martha Maitimu saat baca putusan.
Selain itu, Alfred wajib bayar denda Rp100 juta, yang kalo seng bayar, ganti deng ampa bulan dapa kurung.
Bae terpidana Bae jaksa sama-sama bilang pikir-pikir dolo soal vonis itu.
Kasus ini akang tabuka 25 April 2025, waktu aparat Ditreskrimum Polda Maluku loko Alfred di satu penginapan di Suli Indah, Kecamatan Salahutu, Maluku Tengah. Alfred ada bawa nona muda yang ia diketahui bersama seorang gadis muda, yang last-laste dapa tau ana gandong sandiri.
Penyelidikan lebe jao dapa tau nona tadi pung kaka lai dapa biking dari pa gandong.
Kasus ini biking heboh di Maluku, apalagi pelaku ini aparatur sipil negara yang musti unjuk teladan. (red)
