AmbonVibes.com — Jaksa Agung Republik Indonesia ST Burhanuddin ada pi mangente dong di Kejaksaan Negeri (Kejari) Ambon, Kamis (30/10/2025). Jaksa Agung tiba di kantor Kejari Ambon barang jam 08.10 WIT. Bagitu sampe, langsung bajalang lia-lia keadaan di ruang-ruang karja. Suasana akrab mar tetap profesional dapa lia waktu rombongan bajalang sampe lia jaksa pung ruang karja.
Samua sanang tagal bos basar di Kejagung mo sadia waktu par turung baku dapa dong samua di bawah. Akang jadi momen penting pas samua di daerah kas lia apa yang dong su biking deng bae di Maluku.
Waktu Burhanuddin pi mangente Kantor Kajari Ambon, ada pejabat kejaksaan iko batamang. Dong itu mulai dar Kapala Kejaksaan Tinggi Maluku Rudy Irmawan, Kepala Biro Kepegawaian Kejaksaan Agung Sri Kuncoro, Kepala Biro Umum Kejaksaan Agung RD Mohammad Teguh Darmawan, Kepala Pusat Penerangan Hukum Kejaksaan Agung Anang Supriatna, Wakil Kepala Kejaksaan Tinggi Maluku Adhi Prabowo, Para Pejabat Utama (PJU) Kejati Maluku, Kepala Kejaksaan Negeri Ambon Riki Septa Tarigan
Jaksa Agung di Ambon par jadi kesempatan par samua kas unju profesionalisme, transparansi, dan upaya penegakan hukum yang dong biking di Maluku. (Leo)
