AmbonVibes.com — Kota Ambon su bale biking pesta musik basar kumbali. Akang pung nama Amboina International Music Festival (AIMF) 2025. Deputi Bidang Kreativitas Media Kementerian Ekonomi Kreatif Agustini Rahayu, buka akang di Hotel Zest, Kamis (30/10/2025) tadi pagi. Delegasi festival dar luar negri bakumpul di Ambon par biking rame hari jadi ka-6 Ambon City of Music (ACOM), 31 Oktober 2025.
Bukang maeng-maeng, dalang AIMF ini, artis-artis yang iko, dong datang dari dari Korea Selatan, Suphanburi Thailand, Ippoh Malaysia, Belanda, deng Yunani. Dong samua ada dalang Jaringan Kota Musik Dunia UNESCO.
“Par har jadi kaanam Ambon City of Music, beta tarima deng angat, peserta AIMF dari Korea Selatan, Suphanburi Thailand, Ippoh Malaysia, Belanda, deng Yunani. Salamat datang di Ambon,” ujar Bodewin waktu kase kata-kata par sambut tamu-tamu luar.
Wali Kota tekan, AIMF bukang sekadar panggung musik, mar juga diplomasi budaya deng strategi par biking kuat posisi Ambon, yang samua su tau, akang maso Kota Kreatif berbasis Musik UNESCO.
AIMF 2025 akang lai par biking kuat ekosistem kreatif, dukung Tujuan Pembangunan Berkelanjutan (SDG’s) 2030, deng buka peluang kolaborasi par musisi lokal.
“Dari AIMF dan Asian Music City Forum, Ambon dapa akui dar UNESCO karena kase dampak luas par kota-kota kreatif di Asia. Ini tanggung jawab katong samua, Ambon Music Office (AMO) deng Pemkot par tahang skali festival ini bajalang tarus,” jelas Bodewin.
Selain biking kuat jejaring internasional, Wali Kota harap AIMF jadi ruang ekspresi par musisi Ambon.
“Potensi musik di Ambon bukang cuma biking bangga mar akang jadi aset ekonomi kreatif yang parlu tarus kembangkan akang. AIMF buka ruang ruang par pelaku musik bisa kas kaluar dong pung karya,” tandasnya.
AIMF 2025 kase nae kolaborasi lintas negara, diskusi budaya musik Asia, musisi lokal dan internasional maeng musik. Samua harap, festival ini tambah biking Ambon jadi pusat kreativitas musik di timur Indonesia. (red/mcambon)
