AmbonVibes.com – Ada 38 regu dar amper samua paroki di Keuskupan Amboina deng yayasan persekolahan Katolik Iko Reli Rosario 2025, ziarah keagamaan umat Katolik di Paroki Santa Maria Bintang Laut (MBL), Benteng Ambon, Sabtu (25/10).
Reli par Bulan Rosario ini bawa tema “Ziarah Harapan Bersama Bunda Maria”. Akang pung tujuan biking kuat iman Deng biking erat rasa basudara.
Dalang Reli Rosario, peserta biking prosesi jalan kaki barang 9 kilometer, sambil ucap doa Rosario dan manyanyi lagu-lagu Maria. Peserta mulai bajalang dari Paroki MBL samp brenti di Tampa Wisata Rohani Goa Maria Air Louw, Kecamatan Nusaniwe. Tampa ini pung luas ampa hektare milik Keuskupan Amboina.
Pastor Paroki MBL Amandus Oratmangun sekaligus Pastor Vikaris Kevikepan Kota Ambon bilang, di dalam doa, persatuan paleng penting.
“Doa Salam Maria yang tarus digaungkan umat Katolik seluruh dunya jadi sumber pemersatu bagi putra-putrinya,” kata Pastor Amandus di hadapan peserta. Pastor ajak umat bawa persaudaraan dan doa par perdamean deng biking bae keamanan Kota Ambon.
Selain doa Rosario, Pastor ajak peserta doa par kota, Walikota, deng Wakil Walikota Ambon.
“Bunda Maria jadi pelindung Kota Ambon. Katong p doa par Tuhan jaga kota ini dari musibah dan kase kelancaran bagi kepemimpinan daerah,” ujarnya.
Walikota Ambon Bodewin Wattimena bilang, Reli Rosario jadi ajang silaturahmi antarparoki, biking erat persatuan umat, dan tambah devosi kepada Bunda Maria.
“Reli juga jadi momen par anana seng samua umat bisa sumbayang par Ambon tetap aman, nyaman, dan damai,” kata Bodewin
Ketua panitia Jemmy Retob, S.Pd, M.Pd, bilang, “Doa Rosario itu wujud pemersatu katong. Deng reli ini, ikatan keimanan dan kebersamaan di keluarga, lingkungan, dan paroki tamba kuat.”
Reli Rosario 2025 ini tutu deng Perayaan Ekaristi Kudus. RD Anton Kawolle pimpin sebagai selebran utama, lalu ada RD Amandus Oratmangun, RD Eman Do, dan Diakon Jefri batamang di kiri kanang.
Misa paleng khidmat, jadi refleksi iman dan bentuk devosi par Bunda Maria.
Reli Rosario 2025 seng cuma par iman umat Katolik, mar juga tegaskan kekuatan doa sebagai sarana persatuan dan bawa harapan par warga Ambon. (red)
