AmbonVibes.com — Penjabat Sekretaris Kota (Pj. Sekkot) Ambon Robert Sapulette biking inga warga soal sampah. Urusan sampah bukang cuma tanggung jawab pemerintah mar juga parlu samua Iko sadar.
Sapulette bikang bagitu waktu dudu Iko acara Wali Kota dan Wakil Wali Kota Jumpa Rakyat (WAJAR) ke-21, Jumat (24/10/2025), di Balai Kota Ambon.
“Urusan sampah bukang semata-mata tanggung jawab Pemkot. Warga lai musti sadar buang sampah di akang pung tampa,” ujar Sapulette.
Ia tekankan, maski pemerentah karja karas jaga kota par barsih, partisipasi warga paleng pengaruh par akang pung hasil.
Sapulette jelaskan, Pemkot Ambon Su tambah sambilang oto angka sampah deng sadia 58 tampa sampah di tampa strategis kota.
“Katong tarus bagara par biking kota tetap barsih siang hari dan indah malang hari. Mar perhatian warga par jaga lingkungan juga musti lebe,” tambahnya.
Sapulette harap warga Ambon seng Lego sampah sabarang dapa lai, lebe-lebe waktu musim ujang, par lingkungan tetap barsih deng aman.
“Pemerentah usaha, masyarakat juga parlu usaha. Buang sampah di akang pung tampa deng akang pung jam,” pesannya. (Leo)
