AmbonVibes.com — Maso-maso vakansi har Kajadiang 2025 deng Tambaru 2026, PT ASDP Indonesia Ferry (Persero) kas jaminan samua layanan penyeberangan di Ambon dan deka-deka Ambon bajalang lancar.
Orang bqrangkat bula-bale waktu tutu taong jadi momentum penting par ASDP jaga samua tampa di Maluku tasambung deng bae.
Direktur Utama ASDP Heru Widodo bilang, layanan Nataru bukang cuma soal transportasi, mar juga jaga warga bisa bapindah pulau deng bae.
“Ambon jadi fokus tagal penumpang deng kendaraan pung pergerakan cukup tinggi. Katong komitmen biking pasti aros transportasi tetap lancar deng perencanaan matang,” ujar Heru, Kamis (23/10/2025).
Digitalisasi Bantu Penumpang
Par biking gampang masyarakat, ASDP dorong orang par pake aplikasi Ferizy. Deng aplikasi ini, bisa bali tiket daring H-60 sebelum barangkat. Jadi penumpang seng parlu maso baku inja dalang barisan.
Heru ajak penumpang pastikan data tiket valid sebelum tiba di pelabuhan agar layanan maksimal.
Strategi Lapangan dan Kapal Siaga
Menjelang Nataru, ASDP Cabang Ambon biking siap langkah strategis macang sistem tiba-brangkat par PP efisiensi, baku ator deng TNI-Polri, dan optimalisasi fasilitas pelabuhan. Kalo penumpang batambong, frekuensi pelayaran dapa tambah dar 13 jadi 17 trip per hari.
General Manager ASDP Ambon Syamsudin Tannasy bilang, 11 kapal su adia. Ampa di Len Hunimua–Waipirit, jalur utama konektivitas Maluku.
“Katong biking pasti kapal dan kru siap layan masyarakat selama vakansi Nataru,” ujarnya.
Lintasan Luas Sampe Daerah 3T
Data ASDP kas lia, Januari–September 2025, Len Hunimua–Waipirit su layan 307.268 penumpang dan 216.541 kendaraan, paleng banya roda dua 144.941 unit. Selain itu, ASDP juga operasi Len Galala–Namlea, Waai–Umeputih, Nalahia–Amahai, Tual–Dobo, Dobo–Benjina, sampe Tual–Kaimana.
“Deng jaringan len yang luas, katong jaga armada tetap andal dan roperasi iko jadwal, termasuk di daerah 3T yang jadi tulang punggung konektivitas,” kata Syamsudin.
Pelayanan Nyaman Par Samua
ASDP optimistis kesiapan matang dan inovasi berkelanjutan akan memberikan pengalaman berlayar yang aman, nyaman, dan menyenangkan.
“Katong inging masyarakat rasa transformasi nyata layanan ASDP di lapangan. Katong samua siap biking vakansi taong ini bajalang deng bae,” tutup Syamsudin. (Leo)
