AmbonVibes.com – Ratusan peserta Sidang ka-39 Sinode GPM malang ini, Rabu (22/10/2025), dapa kas makang di Rumah Dinas Katua DPRD Provinsi Maluku Benhur Watubun.
Benhur deng Nyora Mutiara Watubun tarima bisa dapat kesempatan tarima peserta sidang sinode, dan ucap danke.
“Danke banyak samua su mo datang makang malang di sini. Ini bukang beta pung rumah mar rumah rakyat. Beta Deng maitua cuma jaga akang,” kata Benhur waktu buang suara par tarima tamu-tamu.
Kesempatan itu Benhur kas kanal anggota DPRD Maluku yang ada macang Wakil DPRD Fauzan Rahawarin dan Johan Lewerissa dilanjutkan dengan Anggota Richard Rahakbauw, Saudah Tethool, Andreas Taborat, Allan Lohy, Jan Zamora, Noaf Rumau, Nina Batuatas, Rimaniar Hetharia, Jhon Laipeny, Anos Jermias, La Nyong, Wahid Laitupa, Ismail Marasabessy, Amirudin, Suleiman Letsoin deng Sekretaris Dewan Farhatun Samal.
Benhur bilang, Sidang Sinode ini akang basar, bahkan lebe basar dar paripurna DPRD. Tagal itu, dia harap samua sidang nanti mo bajalang lancar sampe abis deng hasil Bae.
Ketua Sinode GPM Pendeta Elifas Maspaitella juga balas bilang danke tagal GPM seng pemerentah su lama bajalang sama-sama dan bangun sinergi.
Dalang acara makang malang ini, banya tokoh pemuda, tokoh politik, Deng tokoh agama jua ada hadir Iko makang malang. Salah satunya Ketua Umum PGI Pendeta Jacky Manuputty. (Opa)
