AmbonVibes.com — Ujang basar deng anging kancang biking bageang muka Gedung Program Studi (Prodi) Hukum Universitas Pattimura (UNPATTI) PSDKU Aru roboh pada Sabtu (18/10/2025) sekitar pukul 14.00 WIT. Untung bae seng ada sapa-sapa biking apa-apa pas kajadiang itu.
Ambon Vibes lia-lia lokasi, kantara paskali memang cuaca ektrem, mar tamba lai gadong su tua amper 20 taong lalu seng dapa piara bae-bae. Padahal, pemerintah sandiri yang bangong akang.
Dosen Unpatti PSDKU Aru Rocky Mantayborbir, S.H., M.Kn, bilang bangunan rusak bukang mendadak bagitu saja mar memang seng dapa piara bae-bae.
“Gedung-gedung yang sakarang dapa pake par kampus ini bangunan lama yang kamuka lai su seng pake. Musti jadi perhatian pemerintah yang punya dan Unpatti yang ada pake akang,” ujar Rocky par ng AmbonVibes.com.
Dia ada bilang lai, persoalan gedung rusak sebenarnya su ulang-ulang dong Kase tau par pemerintah deng pengurus PSDKU mar dong seng nodek.
“Waktu RDP dengan Pak Rektor juga DPRD su bilang akang. Dong jawab, gedung itu pung status pinjam pake, jadi seng bisa siap anggaran perawatan,” ungkapnya.
Maski bagitu, Rocky pastikan kegiatan akademik Prodi Hukum tetap bajalang deng bae. Demi mahasiswa deng dosen pung salamat, pihak kampus su rencana kas pindah kegiatan kuliah ka luar ruangan sementara waktu.
“Perkuliahan tetap bajalang, mar tagal faktor keamanan, aktivitas pelayanan dan kuliah sementara di luar ruangan dulu,” tutupnya.
Kondisi ini menjadi pengingat pentingnya sinergi antara pemerintah daerah dan pihak universitas dalam menjaga fasilitas pendidikan agar tetap layak dan aman digunakan. (Maichel)
