AmbonVibes.com — Polda Maluku kas turung 100 personel Brimob ka Papua. Dong Pi bagabung deng Satgas Operasi Amole II Tahun 2025, misi biking aman kawasan PT Freeport Indonesia, yang maso dalang objek vital nasional.
Upacara lapas pasukan brimob ini dong biking di Lapangan Letkol Pol Chr. Tahapary, Tantui, Kota Ambon, Jumat sore (17/10/2025). Kapolda Maluku Irjen Pol Dadang Hartanto sandiri yang pimpin akang, deng ada hadir Wakapolda Brigjen Pol Imam Thobroni deng para pejabat utama Polda Maluku.
Dalam amanata, Kapolda bilang paleng bangga atas kepercayaan pimpinan Polri par Brimob Polda Maluku yang Iko operasi skala nasional.
“Pimpinan Polri kase parcaya basar par katong. Ini bentuk penghargaan atas dedikasi dan profesionalisme Brimob Polda Maluku yang su terbukti dalam berbagai penugasan sebelumnya,” ujar Kapolda.
Kapolda jelaskan, Operasi Amole II bukang sekadar tugas pengamanan, mar juga tanggung jawab par jaga kehormatan institusi Polri.
“Katong musti hadir kase rasa aman par masyarakat deng dukung par operasional PT Freeport Indonesia bisa bajalang deng bae,” katanya.
Kapolda juga ada kase inga, setiap penugasan di Papua pung tantangan sandiri, bae secara geografis maupun sosial. Karena itu, samua personel diminta par jaga sikap dan tetap profesional selama bertugas.
“Kanal tampa tugas deng bae, jaga sikap, dan pahami dinamika masyarakat setempat. Jang gampang makang cabar dan tetap fokus par misi utama yaitu jaga keamanan dan ketertiban,” tegas Kapolda.
Kapolda harap dong samua bisa Inga tugas dan samua bajalang lancar, sampe nanti bale kumbali deng sagala bae, lengkap dan selamat.
“Brimob Maluku harus tarus biking bae!” tutup Kapolda. (red)
