AmbonVibes.com – Pemerintah Kota Ambon tambah biking gampang layanan umum deng sadia oto ambulans jenazah gratis. Layanan ini bisa warga pake par kas pindah jenazah dari rumah ka kubur termasuk rute jauh, cukup deng telpon nomor 112.
Kepala Dinas Kominfo Ambon Ronald Lekransy bilang fasilitas operasional ambulans itu, Dinas Perumahan dan Permukiman (Perkim) yang sadia akang. Samua layanan seng parlu bayar apa-apa.
“Layanan ini bantuk komitmen Pemkot par tarus biking bae infrastruktur deng sarana pelayanan publik,” ujar Ronald, Rabu (8/10/2025).
Maski bagitu, ia kase Inga par pake layanan nomor 112 deng bae. Kalo salah pake, bisa ganggu keselamatan dan pelayanan darurat par orang laeng
Oras ini, Pemkot Ambon baru pung satu unit ambulans jenazah. Par biking lebe luas cakupan layanan, Pemkot ada coba usaha deng pihak laeng lai yang pung ambulans par bisa tasambung Deng jaringan 112. Kalo su bagitu, respon 112 Lebe capat.
“Upaya biking tambah armada tarus Pemkot biking mar harap masyarakat mangarti, armada masih terbatas. Katong tetap usaha respon panggilan 112 capat mungkin,” jelas Ronald.
Selain kas capat layanan darurat, call center 112 juga jadi langkah nyata pemkot bangong sistem layanan umum Iko teknologi, dan biking pasti samua laporan darurat dapa urus capat dan optimal.
Dengan fasilitas ini, warga Ambon bisa lebe tanang, karena pelayanann capat, transparan, dan gratis, langsung dar pemerintah kota. (Leo)
