AmbonVibes.com – DPRD Kota Ambon kumbali biking inga Pemkot Ambon par kas jalang rekomendasi Badan Pemeriksa Keuangan (BPK) RI soal laporan keuangan Kota Ambon 2024.
Ketua Pansus DPRD Kota Ambon Swenly Hursepuny bicara tegas-tegas, langkah ini bageang dar tanggung jawab Pemkot par jaga tata kelola kepeng yang transparan dan akuntabel.
“Pemkot musti kas jalang samua rekomendasi BPK secara jelas,” ujar Swenly waktu rapat paripurna penyerahan Ranperda di Gedung DPRD Ambon, Selasa (7/10/2025).
Swenly bilang, samua rekomendasi wajib kas jalang akang par kas nae kualitas pengelolaan kepeng Kota Ambon.
Poin-poin utama Pansus DPRD soal LHP BPK 2024 akang bagini:
- Kontrol deng kendali iko akang pung jenjang di tiap kegiatan OPD, deng biking kuat sistem perencanaan.
- Kelola kepeng balanja daerah musti cermat, terukur, deng akang pake basis itung-itung yang seng kets.
- Kontrol pajak deng retribusi daerah iko atorang yang ada.
- Verifikasi bukti belanja musti lengkap, cukop, dan jitu.
- Kas nae kapasitas pejabat teknis deng kase sanksi par pejabat yang alpa, par program deng kagiatan bajalang lancar.
Swenly harap, deng tindak lanjut rekomendasi ini, Kota Ambon bisa bageser dar opini Wajar Dengan Pengecualian (WDP) ke Wajar Tanpa Pengecualian (WTP) di penilaian BPK RI eso-eso.
“Katong harap rekomendasi ini dapat kas jalang deng bae, par hal-hal kepeng kota lebe sehat dan transparan,” tutup Swenly. (Piere)
