AmbonVibes.id – Wali Kota Ambon Bodewin Wattimena bor lapas Duta Qasidah Kota Ambon par iko Lomba Festival Seni Budaya Islami ke-28 tingkat Provinsi Maluku 2025, Rabu (8/10/2025).
Acara lapas duta Ambon dong biking di Ruang Rapat Vlissingen, Balai Kota, Senin (6/10/2025). Wali Kota kase Pataka kepada Ketua Kontingen Morits Tamaela.
Iko hadir Wawali Ely Toisutta, Pj. Sekkot Robby Sapulette, deng Ketua DPD Lasqi Nusantara Jaya Kota Ambon Abas Rumadan.
Meski Kota Ambon su parna pegang beker juara umum tahun 2023, Wali Kota bilang, persiapan kali ini lebe matang dar proses seleksi tingkat kota.
“DPD Lasqi Nusantara Jaya su biking seleksi par samua potensi generasi muda Islam dapa iko akang, dan yang paleng Bae dapa pilih par wakili Kota Ambon di tingkat provinsi,” ujar Bodewin.
Bodewin biking inga, tujuan utama Iko festival bukan sekadar juara, mar akang pa bangong karakter mental dan spiritual generasi muda par jadi modal penting kas bangong kota.
“Kalo pung mental bae, pasti biking hal bae dan bisa kase kontribusi bangong kota. Laste-laste, Katong samua rasa akang pung bae,” jelas Wali Kota.
Wali Kota kase pasang par Duta Qasidah par kas unju yang terbaik, bukang cuma par lomba mar lebe-lebe par tapi kemuliaan Allah SWT.
“Sebab samua yang pung niat biking apa-apa par Allah SWT tantu biking akang sungguh-sungguh, sampe akang jadi hal bae par dapa pahala,” katanya.
Bodewin juga tekankan par peserta seng parlu rasa beban deng target juara:
“Juara nanti iko. Seng usah pikir juara tagal akang jadi beban, takut salahterbebani dan takut salah. Santai saja, fokus pada yang terbaik bagi Tuhan Yang Maha Kuasa,” tegasnya.
Ketua Kontingen Morits Tamaela bilang, persiapan Duta Qasidah su maksimal. Kontingen Kota Ambon ada 76 peserta tambah 13 official, yang mo iko lomba di ampa kategori, yakni: Bintang Vokalis Gambus, Pop Religi, Qasidah Rebana Klasik, deng Qasidah Kontemporer.
Deng persiapan matang dan dukungan pono-pono pemerintah kota, Kota Ambon diharapkan bawa pulang juara umum kumbali. (Leo)
