AmbonVibes.id – Pemerintah Kota Ambon tarus bagara par dorong langkah nyata entas kemiskinan. Strategi yang dapa pake seng cuma par jangka pendek mar juga jangka panjang, dong biking secarav komprehensif deng lintas sektor.
Wali Kota Ambon Bodewin Wattimena ure akang, bahwa program jangka pendek akang pung fokus di pemenuhan kebutuhan dasar masyarakat, terutama soal makang minong harhari.
“Karena terkait konsumsi, maka BLT, bantuan sosial, dan sembako langsung maso hal ini. Upaya jangka pendek ini par masyarakat tetap bisa sadia kebutuhan pokok,” ujar Bodewin saat jumpa pers di Ruang Vlissingen, Balai Kota Ambon, Senin (6/10/2025).
Langkah ini dong anggap akang penting par jaga daya beli warga yang pung penghasilan randa, dong jua bisa sadia kebutuhan pokok, di tengah tekanan ekonomi yang masih dapa rasa.
Untuk jangka panjang, Pemkot pung titik berat di pemberdayaan ekonomi masyarakat par lebe mandiri dan pung pendapatan tetap.
“Kalo mo kaluar dar kemiskinan, masyarakat harus pung pendapatan. Tagal itu dong parlu dapa kas kuat deng Diklat par bisa karja mandiri,” jelas Bodewin.
Selain itu, wali kota ada tekan lai, stabilitas penting paskali dan keamanan sebagai faktor utama tarek investor.
“Ekonomi Kota Ambon masih banya tagantong par balanja pemerintah. Sektor swasta dan investasi parlu biking kuat, tapi masyarakat juga pung peran par jaga kota ini tetap aman dan nyaman par investor suka mo tanang investasi,” tegasnya.
Bodewin tambah lai, kolaborasi antar pihak jadi fondasi utama par tekan angka kemiskinan.
“Sinergi antara pemerintah, swasta, dan masyarakat akan biking kuat fondasi ekonomi Ambon, tekan pengangguran, dan biking capat tingkat kemiskinan di kota akang turong,” pungkasnya.
Deng kombinasi bantuan langsung dan pemberdayaan ekonomi, Pemkot Ambon harap masyarakat bisa lebe mandiri, sejahtera, dan produktif nanti. (piere)
