AmbonVibes.com – Warga Ambon yang kana tabakar di Gang Banjo dan tanah longsor bisa tarek nafas lega. Pemerintah Kota Ambon kase bantuan stimulan, kepeng Rp15 juta per rumah. Wali Kota Bodewin Wattimena kase tau akang waktu apel pagi ASN di Balai Kota, Senin (6/10/2025).
Dalam arahan, Wali Kota bilang, bantuan ini bukan cuma formalitas. Pemerintah pung tanggung jawab pastikan warga yang kana musibah tetap dapa perhatian.
“Ini kewajiban katong par kas pasti warga kota yang takana bencana, bae alam bae non-alam, dapa perhatian Pemerintah,” kata Bodewin.
Ia juga singgung tabakar di Gang Banjo, Negeri Batumerah, 20 Agustus lalu, yang sempat rame di publik.
“Katong harap bantuan ini dong pake deng bae. Abis ini, proses dar Pemkot selesai, mar tanggung jawab katong tetap pastikan warga dapa bantu,” tambahnya.
Bantuan par dalapang rumah korban kebakaran di Gang Banjo dan lima rumah korban tanah longsor, masing-masing Rp15 juta tunai.
Deng dana ini, pemerintah harap warga bisa mulai biking bae rumah hunian deng kebutuhan harhari. Selain itu, penyaluran stimulan ini jadi bukti nyata kepedulian Pemkot Ambon par keselamatan dan kesejahteraan masyarakat. (red/mcambon)
