Ambonvibes.com – Kabar seng sadap par warga Ambon. Dana Alokasi Khusus (DAK) fisik tahun 2026 dsu pasti nol, alias seng ada sama skali. Ketua DPRD Kota Ambon Morits Tamaela bilang, ini jadi PR basar par Pemkot dan DPRD waktu mo susun APBD.
“DAK fisik Kota Ambon itu nol. Jadi katong pung pekerjaan rumah tamba barat,” tegas Tamaela, Sabtu (4/10/2025), di sela workshop DPRD di The Natsepa Hotel.
Sakarang DPRD masih tunggu pedoman dari pusat par susun APBD 2026. Sambil tunggu, akang pung regulasi kase masa sakali par siap kalo pedoman kaluar.
Kepeng yang biasa dong di pusat kirim ka daerah, sakarang akang maso langsung ka kementerian. Sementara dana yang masih maso, mayoritas non-fisik, biasa pake par balanja pegawe. Artinya, ruang par pembangunan infrastruktur tamba sasa.
“Non-fisik itu rata-rata par balanja pegawe jadi katong seng bisa pake par balanja pembangunan langsung,” jelas Tamaela.
Pemkot Siap Kreatif
Wakil Wali Kota Ely Toisuta bilang, kondisi ini jadi tantangan nyata. Makanya Pemkot musti lebe kreatif gali pendapatan asli daerah (PAD), terutama dari jasa, retribusi, deng pajak lokal.
“Katong tetap prioritas pelayanan publik dan pembangunan yang langsung sonto masyarakat. Kepeng kurang-kurang bukan alasan par kas turun kualitas pelayanan,” ujar Ely.
Bae DPRD bae Pemkot sama-sama taruh harap, pemerintah pusat bisa kase akses lebe fleksibel par daerah bisa usul bantuan ka kementerian.
“Katong parlu ruang lebe luas par inovasi dan nego soal kepentingan daerah,” pungkas Ely. (Piere)
