AmbonVibes.com — Ketua MPH Sinode Gereja Protestan Maluku (GPM) Pdt. Elifas Tomix Maspaitella bilang, Sidang Sinode ke-39 GPM taong 2025 bukang cuma par jadi agenda rutin gareja, mar momen basar par kas badiri identitas GPM yang ada bagar ka pal karya pelayanan saabad.
Kali ini, GPM angka tema:, “Anugerah Allah Melengkapi dan Meneguhkan Gereja Menuju Satu Abad GPM” (1 Petrus 5:10). Maspaitella bilang, tema dari nats akang biking inga samua perjalanan gareka, bae suka deng duka, tatap sa akang pung fondasi pada Tuhang pung anugerah.
“Sidang Sinode itu bukang cuma par rapat biasa, mar kesempatan par katong samua kase bilau perjalanan pelayanan, dengar suara Tuhan, deng kase teguh arah ke depan,” ujar Maspaitella, Minggu (5/10/2025).
Ia bilang, perjalanan GPM yang amper ganap 100 taong, pono deng perjuangan, mar juga limpah-limpah berkat. Maski banya tantangan, gareja ini tatap badiri teguh di tengah orang Maluku, Maluku Utara, sampe deng luar negeri.
“Pas abis katong dapa sudah, kage lae Tuangala sandiri yang mo biking lengkap dan kas kuat badiri katong. Itu jadi dasar kekuatan katong pi maso ka abad baru GPM,” tambahnya.
Maspaitella juga ajak samua warga GPM par lia masa lalu deng syukur, jalani pelayanan hari ini deng randah hati, dan lia har eso pake iman.
“Katong parcaya, Tuhan yang su mulai karya-Nya, pasti akan tarus sempurnakan gareja ini,” katanya lagi.
Bagi dia, Sidang Sinode bukang cuma soal urusan internal gereja, mar juga soal bagemana GPM hadir dan relevan di tengah masyarakat yang tamba kompleks — dari isu sosial dan budaya, sampe lingkungan deng ekonomi.
“GPM musti tatap jadi garam deng tarang. Gareja ini harus bawa kasih Kristus ka tengah dunya yang pono pergumulan,” tegasnya.
Seng lupa, Maspaitella kase apresiasi par semua pihak yang tarus dukung pelayanan GPM — dari pemerintah, TNI/Polri, sampai para mitra dan jemaat di samua pelosok.
“Semoga sidang ini bajalang dalang tuntunan Roh Kudus dan akang pung hasil bisa batul-batul bawa gareja maso satu abad pelayanan,” tutupnya. (Piere)
