AmbonVibes.com – Maluku biking sejarah baru di dunya medis! RSUP Dr. Johannes Leimena Ambon sukses biking oprasi bypass jantong (bedah jantung terbuka) perdana par dua pasien yang pambuluh darah koroner tasumbat.
Kedua pasien, umor 73 deng 44 taong, dapa oprasi pas hari yang sama. Tim dokter spesialis bedah toraks kardiovaskuler RSUP Dr. Johannes Leimena biking oprasi karja sama deng RS Jantung dan Pembuluh Darah Harapan Kita, Jakarta par pastikan prosedur bajalang aman dan profesional.
Salah satu dokter tim operasi, dr. Sugisman bilang dong berhasil oprasi dan ini jadi tonggak penting par pelayanan kesehatan di Maluku dan wilayah timur Indonesia.
“Ini operasi bedah jantung perdana di RSUP Dr. Johannes Leimena. Pasien tasumbat pembuluh darah koroner. Prosedurnya setara standar RS Jantung Harapan Kita,” jelas dr. Sugisman.
Salah satu pasien yang su lama saki jantong tagal paroko barat lebe dar 50 taong mengaku Paleng rasa syukur atas peluang operasi ini.
“Kamuka-kamuka memang dapa bilang bypass. Katong setuju tagal ini bisa biking abis masalah. Risikonya ada, mar kalau berhasil, akang jauh lebe bae,” ujarnya.
Keluarga pasien jua ada kase dukungan pono-pono. “Alhamdulillah, lebe capat lebe bae par papa cepat bae. Melihat kondisi papa yang sasa, ini jadi harapan Katong,” kata salah satu anggota keluarga.
Dokter Chaisari Maria M. Turnip, yang juga iko dalang tim operasi, Kase apresiasi par kolaborasi deng RS Jantung Harapan Kita.
“Semoga dar angkah perdana ini, RSUP Dr. Johannes Leimena bisa tarus oprasi jantong dan layani masyarakat Maluku,” tambahnya.
Selama ini, pasien jantung dar Maluku dapa rujuk ka Jakarta atau Makassar. Sakarang, dengan hasil bae ini, masyarakat bisa dapa layanan bedah jantong tingkat lanjut di Ambon, tanpa harus jauh-jauh ka luar daerah.
“Alhamdulillah, samua bajalang lancar. Pasien stabil, dan semoga bisa pulih dan beraktivitas lebe sehat. Katong sanang samua rencana bajalang bae, sondor kendala,” ujar salah satu dokter usai operasi.
Hasil bae ni jadi babak baru pelayanan kesehatan di Maluku dan Kase garis tegas par posisi RSUP Dr. Johannes Leimena Ambon jadi rumah sakit rujukan utama wilayah Indonesia Timur di bidang kardiovaskuler. (Leo)
