AmbonVibes.com – Majelis Ta’lim Al-Madinah Pemerintah Kota Ambon biking acara Maulid Nabi Muhammad SAW 1447 H di Gadung Islamic Center Ambon, Kamis malam (2/10/25).
Wali Kota Ambon Bodewin Wattimena ada pi iko acara, deng ada kase kata-kata sambutan.
Wali Kota Bodewin bilang paleng bangga deng eksistensi Majelis Ta’lim yang antua kas badiri waktu b masih jadi Penjabat Wali Kota.
“Beta paleng bangga tagal Majelis Ta’lim ini beta kas badiri waktu masih jadi Pj Wali Kota. Hari ini MT Al-Madinah kas unju dong pung eksistensi, luar biasa,” ujarnya.
Maulid Bukang Hanya Tradisi
Bodewin bilang tegas-tegas, parayaan Hari Maulid bukang sekadar tradisi, mar jadi momentum par ambe contoh teladan akhlak Nabi Muhammad SAW.
“Yang penting, mari katong biking hidop kumbali nilai luhur yang Baginda Nabi ajar, sebagai suri tauladan umat Islam dar generasi ke generasi,” jelasnya.
Pesan Maulid untuk Ambon yang Harmonis
Deng tema “Menyebarkan Pesan Rasulullah SAW dan Toleransi Hidup Berdampingan dalam Keberagaman untuk Ambon yang Manise”, wali kota menilai pesan Maulid akang paleng relevan par Ambon yang majemuk.
“Tema ini ajar katong hidop harmonis, baku hargai, dan junjung tinggi persatuan,” tambah Bodewin.
Sebagai wujud nilai keislaman, Majelis Ta’lim Al-Madinah Pemkot Ambon bersama Baznas menyalurkan 33 alat-alat mamasa par korban kebakaran di Batu Merah deng Hunuth.
“Ini nilai keislaman yang nyata, Katong kas unju akang deng cara bage rezeki,” ujar Bodewin.
Wali kota tutup sambutan deng ajak samua pake Hari Maulid par biking kuat persatuan denf toleransi di Ambon.
“Perbedaan bukang par biking pisah mar biking kaya hidop. Semangat Maulid harus jadi penegak persatuan dan kepedulian par samua,” pungkasnya. (Leo)
