AmbonVibes.com – Pemerintah Kota Ambon biking upacara Hari Kesaktian Pancasila di Lapangan Apel Balai Kota, Rabu (1/10/25). Wakil Wali Kota (Wawali) Ely Toisutta pimpin akang upacara, trus yang ikosamua pimpinan OPD deng ASN lingkup Pemkot Ambon.
Tema taong ini, “Pancasila Perekat Bangsa Menuju Indonesia Raya”, par biking inga samua tarus bisa hormat jasa pahlawan yang su gugur pertahankan ideologi Pancasila.
Pancasila Bukang Barang Par Hafal-Hafal
Abis upacara, Wawali Ely bilang nilai Pancasila itu bukang cuma par hafal-hafal, mar musti tanam akang dalang hati deng kas unju dalang hidop harhari.
“Nilai-nilai dar lima sila itu – Ketuhanan, Kemanusiaan, Persatuan, Kerakyatan, dan Keadilan Sosial – itu yang haros katong aplikasi akang di tengah masyarakat,” jelas Ely.
Ely juga tekan lai, Pancasila itu macang lem par bangsa. Katong samua musti jaga akang par jang sampe pica tagal hal-hal sepele.
“Setiap momen Hari Pancasila ini akang pung tujuan par kase tumbuh rasa basudara deng persatuan. Jadi nilai-nilai Pancasila bisa tetap hidop dan dapa jaga deng bae,” tandasnya. (Leo)
