AmbonVibes.com – Polresta Ambon-Lease ada pariksa kasus bakalae di Kailolo dan Kabauw, Maluku Tengah. Sampai ini oras, polisi su pariksa 10 saksi pas kase jelas kronologi, sapa yang tanggung jawab.
Marinyo Polresta Ambon Lease Ipda Janet Luhukay bilang, pemeriksaan saksi ini bageang dar upaya kas badiri hukum.
“Tahap penyidikan ini langkah hukum lanjutan par biking tegak kepastian hukum par kasus yang sempat ganggu stabilitas keamanan daerah,” ujar Janet, dikutip, Selasa (30/9/2025).
Awal Bentrokan
Kasus bakalae ini kamuka tagal orang Kabauw satu dapa lupa dari laklaki satu. Seng tau dia sapa mar dia bajalang deng anak di Kailolo, di muka Pelabuhan Feri Wainana.
Insiden ini biking massa bakumpul di sipat dua negeri sejak pukul 11.45 WIT, Selasa, 9 September. Su bagitu, akhirnya pica bakalae. Satu orang maninggal dan lima laeng uka-luka.
Par kendali situasi, aparat gabungan TNI-Polri barang 200 orang dapa kirim ke sana. Sakaran, kondisi di wilayah itu su bae. Aktivitas warga su bale normal kumbali
Personel TNI-Polri masih tarus dapa tugas di sana. Masyarakat dapa minta par tahang diri, jang sampe makang cabar.
Kapolda Maluku Irjen Pol Dadang Hartanto bilang, kasus ini mo proses tarus deng tegas dan terukur.
“Penegakan hukum Iko prosedur, pake alat bukti yang kuat, termasuk keterangan saksi yang penting par bangong konstruksi hukum jelas,” tegas Kapolda. (red)
