AmbonVibes.com – Wali Kota Ambon Bodewin Wattimena bilang, konten digital sakarang su jadi salah satu motor utama par bangong ekonomi kreatif di Kota Ambon.
Paitua bilang bagitu waktu bicara par buka Workshop Konten Digital di Ruang Terbuka Publik (RTP) Wainitu, Jumat (25/9/2025).
Menurut Wali Kota, ekonomi kreatif itu akang maso dalang 17 program prioritas Pemerintah Kota Ambon.
“Beta deng wawali pung 17 program prioritas. Salah satu yang katong mo bangong di kota ini adalah ekosistem ekonomi kreatif. Karena manurut katong, peluang terbesar Ambon ada di sektor jasa, perdagangan, dan pariwisata,” ujarnya.
Bodewin jua ada tekan lai, sumber daya alam boleh kurang-kurang mar kreativitas warga musti jadi modal utama. Konten digital, kata Wali Kota, sakarang bisa buka banyak peluang baru par anana muda.
“Konten digital hari ini luar biasa. Dia bisa biking seseorang dapat penghasilan. Apalai sakarang ada platform macang Facebook Pro dan TikTok. Ini peluang basar yang musti anana muda Ambon pake akang,” jelasnya.
Wali Kota pung penilaian, workshop ini penting par kase pemahaman ka peserta tentang cara biking konten yang ada akang pung nilai.
“Yang mau katong bangong hari ini adalah Kase paham generasi muda soal konten digital dan bagemana katong bisa batahang deng akang. Karena di tengah susah lapangan karja, ada peluang basar di era digitalisasi,” tegasnya.
Selain par peluang ekonomi, konten digital jua bisa bantu promosi pariwisata dan kase kenal identitas Kota Ambon ka saluruh dunya.
“Lewat konten digital, katong bisa promo pariwisata dan Kota Ambon. Beta harap peserta bisa bikin konten yang sistematis, menarik, dan laku di pasar,” tambahnya.
Di akhir sambutan, Wali Kota dorong anak-anak muda par pake ruang kreatif yang disediakan pemerintah, termasuk RTP Wainitu.
“Apa yang jadi tanggung jawab pemerintah, katong siap bantu dan dukung. Tapi kreativitas dan karja karas harus datang dari anananmuda Ambon sandiri,” pungkasnya. (Piere)
