AmbonVibes.com – Wali Kota Ambon Bodewin Wattimena bilang bahwa Ruang Terbuka Publik (RTP) Wainitu bukang cuma par jadi pusat ekonomi kreatif. Tampa ini jua musti jadi tampa bakudapa samua orang par bangong hidop baku mangarti umat satu deng laeng.
Badewin bicara bagitu waktul buka Workshop Konten Digital di RTP Wainitu, Jumat (25/9/2025).
Menurut Wali Kota, RTP Wainitu memang dapa biking par tampa yang bisa samua orang sampe, dar samua lapisan.
“Beta mau RTP Wainitu ini jadi tampa bakumpul samua orang di Kota Ambon. UMKM yang ada di sini musti datang dar komunitas Salam deng Sarani, par bangong inklusi dan toleransi,” ujarnya.
Dia jua ada bilang, RTP Wainitu harus tampung macang-macang industri kreatif, mulai dari kuliner, musik, seni, sampe kerajinan lokal.
“Orang datang harus bisa makan dan minum di sini, nonton stand-up comedy, dengar musik ukulele, beli batik Ambon, bahkan dapa lukis wajah. Samua sub-sektor musti terlibat par tampa ini hidop, samua nikmati akang,” kata Wali Kota.
Lebe jao, Bodewin bilang, RTP Wainitu bukang cuma soal ekonomi, mar juga soal biking erat hubungan warga.
“RTP Wainitu itu ruang kebersamaan. Di sini katong balajar bahwa keberagaman itu kekuatan Kota Ambon. Katong mau samua yang datang dapa rasa nyaman dan seng ada yang taganggu,” tegasnya.
Wattimena juga ajak samua warga sama-sama jaga RTP Wainitu par jadi ruang publik bersama.
“Mari kita jaga RTP Wainitu ini sama-sama. Kalau mau jadi ruang inklusi, mari kase pasti, samua yang maso di sini rasa nyaman,” pintanya.
Di akhir sambutan, Wali Kota harap RTP Wainitu bisa jadi contoh ruang publik inklusif yang bisa jadi inspirasi pembangunan tampa macang ini di Tampa laeng dalang Kota Ambon.
“Kalo tata deng bae, RTP Wainitu bisa jadi model ruang publik kas bagara ekonomi, deng biking kuat toleransi dan persaudaraan di kota ini,” pungkasnya. (Piere)
