AmbonVibes.com – Pemerintah Kota (Pemkot) Ambon biking apel pagi par World Cleanup Day di Lapangan Merdeka Ambon, Jumat (26/9/2025). Langsung lae, dong resmi 9 oto dumptruck baru deng bage-bage paket sembako par petugas kebersihan.
Wali Kota Ambon Bodewin Wattimena pimpin kegiatan ini. Pejabat laeng ada di sana, Wawali Ely Toisutta, Pj. Sekkot Robby Sapulette, Forkopimda, pimpinan OPD, sampe jajaran ASN lingkup Pemkot Ambon.
Gerakan Global, Ambon Iko Ambe Bageang
Waktu kase sambutan, Bodewin bilang World Cleanup Day ini gerakan dunya yang biking juta-juta orang bagara sama-sama par biking barsih bumi dar kotoran.
“Kota Ambon seng mau katinggalan dalam gerakan mulia ini. Beta sangat apresiasi deng partisipasi aktif samua elemen masyarakat,” kata wali kota.
Tantangan Terbesar: Ubah Perilaku
Menurut Bodewon, biking barsih kotoran itu baru langkah awal. Tantangan paleng basar justru ubah orang-oramh pung kalakuang yang seng kalesang lingkungan.
“Katong musti kas kurang biking sampah, balajar daur ulang, dan kelola sampah pake cara modern yang ramah lingkungan. Edukasi dan sosialisasi musti tarus jalan sama-sama,” jelas Bodewin.
Ia juga ajak warga Ambon ambe World Cleanup Day par titik awal gaya hidop ijo-ijo, macang kas kurang plastik sakali pake dan mulai pilah sampah dar rumah.
“Sungai deng got seng boleh jadi tampa buang sampah. Buang sampah di tampa yang pemerintah kota su sadia akang,” tandasnya.
Armada Baru, Target Dua Tahun Beres Sampah
Par bukti nyata, Pemkot Ambon langsung kas jalang 9 oto dumptruck baru par biking kuat karja dinas Lingkungan Hidup dan Persampahan (DLHP).
Bodewin parcaya, dalang dua tahun partama jadi wali kota, masalah sampah di Ambon bisa lebe capat biking abis akang.
“Mudah-mudahan deng su tambah armada ini bisa bantu kase haringan persoalan sampah di kota,” pungkasnya. (red/mcambon)
