AmbonVibes.com – Tragedi pica kumbali di Gunung Botak, Desa Persiapan Wamsait, Kecamatan Waelata, Kabupaten Buru, Rabu (24/9/2025). Tiga penambang emas tanpa izin (PETI) maninggal dunia, tagal mangkali dong isap racong dari bahan berbahaya dan beracun (B3), dari bak rendaman yang pica.
Kronologi Kejadian
Kapolres Buru AKBP Sulastri Sukidjang bilang, dong tiga itu nama Asri (37), Tasidjawa (37), dan La Onyong (39).
Menurut saksi Cano, kamuka skali dong tiga maso dalang lubang yang akang kadalang dalapan meter opar gali emas pake tangan. Kage lae, bak rendaman yang isi bahan kimia B3 di atas lubang pica. Akang pung aer langsung masu ka lubang.
“Aer yang pono bahan B3 maso lubang tampa dong tiga karja,” jelas Kapolres.
Upaya Penyelamatan Gagal
Penambang laeng di Gunung Botak su coba par tolong. La Onyong, yang deka-deka pintu lubang, dapa kas kaluar lebe kamuka mar su putus nafas. Dua laeng yang lebe dalang, juga dapa lai su seng jadi.
“Dong tiga korban mangkali kana racong dar aer bak rendaman yang pono deng B3. Dong dapa angka dari dalang lubang, mar su maninggal,” ujar Kapolres.
Jenazah langsung dapa bawa ka dong pung keluarga par kubur dong.
Imbauan Polisi
Kapolres Buru biking inga penambang jang mo gale mas deng cara liar di Gunung Botak.
“Katong himbau par seng gale amas deng cara liar lai, tagal akang paleng bahaya par diri sandiri deng lingkungan,” tegasnya. (red)
