AmbonVibes.com – Patong tema City of Music, ikon baru di Pante Talake, Kota Ambon, oras ini lia akang su ancor lele seng tapiara bae-bae. Dari hasil lia-lia di lokasi, Minggu (21/9/2025), satu dua bagian patung su ilang: tangan patah, alat musik juga ilang.
Dulu ada ampat patong badiri tegak sambil pegang alat musik masing-masing. Sakarang tinggal tiga, mar dua su ancor klep.
Roy Lopulalan, salah satu warga sekitar, manyasal lia barang-bacang ancor bagini. “Ini orang loko satu patung antero, paleng sayang paskali, padahal ini jadi ikon Kota Ambon,” katanya.
Ia bilang, kajadiang patong itu kira-kira tiga bulan lalu pas ujang, dan sakarang lokasi pante seng ada yang jaga. Samua orang bisa maso kaluar suka-suka. Bahkan pagar di pinggir pante jua su ilang seng tau sapa ambe.
“Pagar-pagar ini ilang, biasa duduk di sini orang mabo, pagi-pagi lai su seng ada,” ujarnya.
Maski bagitu, Roy bilang seng bisa buang salah par pemerintah kota tagal masyarakat jua pung tanggung jawab jaga fasilitas publik. Ia harap ada petugas yang jaga di lokasi par kase aman dan seng tambah rusak.
“Semoga dibuat lebe bagus lae, dan biking orang jaga, agar tidak terjadi kerusakan yang lebih banyak lagi,” harapnya
Patung City of Music musti jadi ikon kebanggaan Ambon, mar kalo sondor jaga deng rawat, akang pung bagus jadi luntur. (Piere)
