AmbonVibes.com – Belasan siswa SD Inpres 35 Passo, Kota Ambon, bikin panik orang tua deng guru tagal dong rasa dapa makang racong dar program Makan Bergizi Gratis (MBG), Jumat (19/9/2025).
17 Anak Langsung Masuk RS
Kapolresta Ambon-Lease Kombes Pol. Yoga Putra Prima Setya, Kase tau jalas, kajadiang itu akang banar.
“Tadi barang pukul 14.30 WIT, ada dugaan kana racong dari makanang bergizi gratis,” jelasnya.
Ada 17 siswa yang kas unju tanda-tanda kayak hati nae-nae, pusing, dan poro saki. Dong langsung dapa kas lari ka ke Rumah Sakit Khusus Daerah (RSKD) Negeri Lama par capat dapa tolong. Untung bae, amper samua yang dapa tolong di rumah sakit, langsung bae.
Mi Goreng Jadi Sorotan
Salah satu orang tua murid Eche Bairatnissa curiga, anana dapa hal seng bae ini tagal mie goreng yang dong dapa dar paket MBG.
“Pas abis anana poro sakitl, makanang itu langsung katong angka. Pas dicium, mie goreng pung bau akang laeng dar lae,” katanya.
Polisi Turun Tangan
par mo tau jelas apa yang biking samua jadi bagini, polisi su ambil sampel makanang par uji di laboratorium. Pihak sekolah deng pemerintah juga mulai turung tangan, karena ini jadi perhatian serius.
Kejadian ini biking banya kl orang tua harap ada pengawasan lebe ketat soal kualitas dan kebersihan makanan MBG, apalagi program ini memang biking par anana skolah. (Piere)
