AmbonVibes.com – Ini akang carita soal oknum Satpol PP Kota Ambon nama Novri Wattimena alias Noat yang dapa lapor tagal ondos karing par tamang karja yang masih CPNS, inisial CM (19). Akang jadi abis pesta harjadi Kota Ambon, 8 September 2025 lalu.
Korban Buka Suara
Kasus ini baru tabongkar waktu CM datang ke forum Wali Kota Jumpa Rakyat (Wajar) di Balai Kota, Jumat (19/9/2025). Dia datang deng dia pung papa mama. Dia manangis waktu carita kajadiang ini di forum Wajar.
Menurut CM, waktu itu pelaku ada mabo barat. Dia sandar badang ke CM, lalu iko korban sampe ka tampa parkir. Di situ, pelaku mulai bicara kasar dan langsung tarek CM pung baju sampe sonto CM pung badang-badang.
“Ada rasa tako, tagal beta masih CPNS, jadi kamuka-kamuka betabadiang sa. Mar Beta seng bisa badiang tarus. Beta mo lapor sampe ka Polda Maluku,” kata CM deng suara teputus-putus.
Pemkot Ambon Ambe Langkah
Menanggapi itu, Pj. Sekkot Ambon Robby Sapulette langsung kase tau pasti, kasus ini mo kas tarus akang.
“Buta su minta inspektorat koordinasi deng BKPSDM par ambe langkah. Pertama, tarek pelaku dar Satpol PP ka BKPSDM par pembinaan, sambil proses tarus iko atorang,” jelasnya.
Sapulette bilang Pemkot seng kas biar ada kakarasang atau pelecehan di lingkungan kerja pemerintahan. Disiplin pegawai harus ditegakkan par samua aparatur, apalai CPNS yang baru, bisa kerja dengan aman.
Sekkot juga ajak pegawai laeng par jang tako lapor kalo alami hal macang bagini. “Pemkot komitmen tindaklanjuti setiap aduan. Seng boleh ada korban rasa sendiri,” tegasnya. (red)
