AmbonVibes.com – Universitas Pattimura (Unpatti) Ambon biking gebrakan baru. Dong su kas jadi tim penelitian khusus par kaji sopi, minuman tradisional khas Maluku, par bisa olah akang jadi produk yang pung nilai lebe.
Langkah ini bukang cuma soal akademis, mar juga par dorong ekonomi masyarakat sekaligus jaga warisan budaya.
Sopi, Lebe dar Sekadar Minuman
Kapala Lembaga Penelitian dan Pengabdian Masyarakat (LPPM) Unpatti Stev Huliselan bilang, sopi pung potensi basar kalo kelola deng bae.
“Unpatti musti turung langsung teliti sopi. Bukang cuma tagal nilai ekonomi, mar juga par komoditas lokal ini bisa dapa kelola deng bijak,” jelasnya di Ambon, Kamis (18/9/2025).
dalam Tim Riset Unpatti, ada 11 peneliti beda-beda jurusan – mulai dar pertanian, ekonomi, hukum, sampe teknologi pangan.
Menurut Huliselan, sopi yang biasa orang biking dari nira aren, kelapa, atau koli, memang sering kana cap negatif. Padahal, bagi banya keluarga di desa-desa Maluku, sopi su jadi sumber hidop utama.
“Kalo teliti lebih jau, sopi bisa jadi bahan baku industri. Misalnya par alkohol industri, karbon, bahkan gula aren deng nilai jual tinggi. Tim akan hitung biaya produksi dan kaji potensi pasar par akang pung hasil jadi nyata bantu masyarakat,” tambahnya.
Seng Cuma Ekonomi, Tapi Juga Regulasi & Budaya
Dekan Fakultas Hukum Unpatti Hendrik Salmon juga biking inga aturan sopi paleng penting. Dia bilang, pemerintah daerah parlu biking kebijakan pengendalian yang bijak, bukan larang total.
“Ini bagian dari identitas budaya Maluku yang harus dikelola, par seng biking rugi masyarakat maupun generasi muda,” ujarnya.
Di Maluku, sopi bukang sekadar minuman. Ia hadir dalang acara adat, pertemuan keluarga, bahkan kadang orang pake par jadi sarana biking abis perselisihan sosial. “Banyak kegiatan tradisional rasa seng lengkap kalo sondor sopi,” tambah Salmon.
Harapan Par Hidop Lebe Bae
Bagi orang uang olah sopi, minuman ini akang bisa par jadi jalang kesejahteraan. Dalang sabulang, satu petani sopi bisa dapa untung sampe Rp5 juta. Dar situ, banya keluarga bisa kas skola ana sampe kuliah.
Harapannya, lewat riset ini, sopi bisa nae kalas– dari yang selama ini orang lia akang miring-miring, eso-eso bisa par komoditas unggulan Maluku. Bukang cuma jaga tradisi, mar juga buka lapangan karja baru dan biking taraf hidop masyarakat tambah bae. (Leo)
