AmbonVibes.com – Wakil Ketua Komisi III DPRD Maluku Richard Rahakbauw (RR) turung reses di RT 03/04 Tanah Tinggi, Kota Ambon, Kamis (18/9/2025). Laklaki deng maitua datang dan dapa tarima deng bae. Orang-orang langsung kas kaluar dong pung macam-macam hal.
Carita Banjir Sampe Jalan Rusak
Richard dab warga dudu ansprak, warga bilang masalah utama yang dong dapa sabang taong itu banjir. Dong minta pemerintah capat-capat gale sungai dan kase maso mesin pompa aer.
Selain itu, jalan sepanjang 130 meter yang su ancor-ancor parah biking warga was-was. Dong tako ada cilaka kalo seng capat biking bae akan. Dorang juga titip aspirasi soal dukungan par kegiatan gereja.
“Masalah banjir deng jalan ini su lama, mar seng ada solusi jelas,” kata salah satu warga.
RR: “Seng Bisa Tunda Kepentingan Rakyat”
Menjawab samua keluhan itu, Richard akui memang masalah banjir ini su tahela lama paskali.
“Dalam waktu deka, beta mo undang dong dar Balai Sungai ka Komisi III DPRD Maluku par bicara kas abis akang. Ini kepentingan rakyat, seng bisa gantong lama lae,” tegasnya.
Ia juga janji mo turun cek langsung pintu air dan biking siap alat komunikasi par koordinasi di lapangan lebe lancar.
Jalang Ancor, Parlu Koordinasi Pemkot
Soal jalan, Richard bilang itu Pemerintah Kota Ambon pung hal. Maski begitu, ia siap fasilitasi koordinasi antara Pemkot, Balai Sungai, PUPR, dan Ketua RT.
“Beta memang ketua tim pemenangan wali kota, mar seng bisa janji langsung. Yang bisa beta lakukan, bantu koordinasi deng pihak yang pung kuasa par ada solusi nyata,” jelasnya.
Warga Apresiasi Konsistensi RR
Warga kase apresiasi tagal dong bilang Richard itu konsisten datang dengar langsung aspirasi dan tindak lanjut masalah. Reses ini jadi kesempatan penting par biking deka hubungan wakil rakyat deng dia pung konstituen di Tanah Tinggi. (red/tm)
