AmbonVibes.com – Dua-tiga hari balakang ini, rame paskali di media sosial deng ada kabar laklaki dua, orang dagang dari luar negri terlibat kasus tindak pidana perdagangan orang (TPPO) di Ambon deng Maluku Tengah.
Foto-foto dua orang dagang ini tabage luas di grup Facebook, bahkan ada postingan yang bilang dong su pi ilang di Maluku Tengah. Banya warganet iko-iko bage info ini, deng kasih inga orang par ati-ati.
Polisi Kase Klarifikasi
Kabid Humas Polda Maluku Kombes Pol Rositah Umasugi langsung bantah isu itu. “Jadi informasi itu seng batul,” tegas Rositah ke wartawan, Minggu (14/9/2025).
Sementara itu, Kapolresta Ambon-Lease Kombes Dr. Yoga Putra Prima Setya bilang polisi masih cek lebe kadalang.
“Balong ada pernyataan resmi. Beta su koordinasi deng Dirkrimsus Polda dan Kapolres Maluku Tengah. Katong ada telusuri dolo akang batul ka seng,” jelasnya.
Imbauan Buat Warga
Polisi kas inga masyarakat jang gampang parcaya dan jang capat bage-bagi info yang balong jelas. Kalo nanti ada fakta resmi, Polda Maluku pasti kase tau par orang jang panik. (red)
