AmbonVibes.com – Wali Kota Ambon Bodewin Wattimena kase wanti-wanti par samua pimpinan Organisasi Perangkat Daerah (OPD). Katong samua musti siap-siap dapa audit kinerja dar Badan Pemeriksa Keuangan (BPK) yang sasadiki lae dong kamari.
SPJ Harus Masuk Cepat
Bodewin bilang, tiap OPD wajib segera biking beres administrasi deng laporan keuangan, termasuk kase maso SPJ ka BPKAD.
“Kalo mo dapa opini WTP, ator kepeng musti transparan. Samua dana yang ada pake musti jelas akang pung pertanggungjawaban,” tegas Bodewin, Jumat (12/9/2025).
Ada Teguran, Ada Sanksi
Menurut Bodewin, su ada satu-dua OPD yang dapa tagor tagal balong kas maso SPJ. Ia harap capat biking abis akang par kalo BPK dong kamari, akang samua su siap.
“Kalo nanti dalam pemeriksaan BPK ada dapa temuan basar, kapala OPD siap-siap jua, beta biking non-job. Beta seng main-main,” tandas Bodewin.
Target Naik Jadi WTP
Sekadar info, pengelolaan keuangan Pemkot Ambon yang kamuka akang su nae level dar disclaimer jadi Wajar Dengan Pengecualian (WDP). Mar Wali Kota ser lebe tinggi lae.
“Katong musti karja lebe serius par bisa tambus WTP. Itu target sama-sama,” tutupnya. (Piere)
