AmbonVibes.com – Lembaga Pembinaan Khusus Anak (LPKA) Kelas II Ambon ada biking aksi rutin pariksa-pariksa di wisma hunian Anak Binaan, Kamis (11/9/2025) pagi kira-kira jam 08.30 WIT. Kapala Seksi Pengawasan dan Penegakan Kedisiplinan (Wasgakin) Safah pimpin tim pengawasan par pariksa satu-satu.
Banya orang seng tau LPKA. LPKA ini negara kas badiri akang par urus ana-ana yang masih kacil mar dong su parnah biking masalah. Masalah yang dong biking sama yang orang dewasa. Jadi dong dapa hukum, mar tagal umor balong sampe, dong seng tacampor deng orang basar. Dong di LPKA, khusus par dong.
Cegah Barang Tarbae Maso
Tim Wasgakin pung aksi pariksa-pariksa bagini, akang pung tujuan par cari tau tempo-tempo, jang sampe barang terlarang bisa maso, bae HP, narkoba, deng barang tajam. Dong bukang cuma pariksa kamar deng kintal wisma, mar juga pariksa ana binaan pung badang, dar kuku, gigi, sampe rambu.
“Katong rutin biki aksi geledah par aman, jam sampe ada barang terlarang bisa lolos maso,” jelas Safah.
Edukasi & Latihan Disiplin
Bukang cuma par keamanan. Dong pariksa-pariksa ini juga par jadi cara edukasi. Anak Binaan dapa ajar par lebe disiplin dan jaga kebersihan.
“Keamanan penting, mar disiplin deng barsih-barsih juga bagian dari tugas bina dong,” tambah Safah.
Deng hari sanang, Safah bilang hasil pariksa-pariksa kali ini, puji Tuhan, sondor ada barang terlarang yang tim tangka. Seng ada. Suasana di LPKA tetap aman, tertib, deng terkendali.
Komitmen Jaga Lingkungan Pembinaan
Kepala LPKA Kelas II Ambon kase apresiasi par tim Wasgakin yang tarus konsisten karja deng pono tanggung jawab.
“Pariksa-pariksa ini bukti katong serius par biking lingkungan pembinaan yang aman, tertib, dan bersih,” ujarnya.
Deng langkah rutin ini, LPKA Ambon mo pastikan keamanan, ketertiban, dan pembinaan tetap bajalang maksimal, par Anak Binaan pung hari eso. (Piere)
