AmbonVibes.com – Gubernur Maluku Hendrik Lewerissa ada bicara banya hal penting par kapala-kapala daerah satu Maluku. Salah satu yang antua bilang itu anana nae-nae badang.
Hendrik minta bupati deng wali kota samua, jaga anana pranggang jang dong bakalae. Kalo dong bakalae, kalesang akang bae-bae par jang sampe hal kacil jadi bakalae basar.
Gubernur Hendrik bilang akang dalang da Rapat Koordinasi (Rakor) deng samua bupati- wali kota di satu Maluku ini. Hendrik buka Rakor di Kantor Gubernur, Kamis (11/9).
Tema Rakor kali ini akang babunyi “Peran GWPP: Biking Kuat Sinergitas Daerah, Kas. Capat Pembangunan dan Anyam Persatuan Par Maluku Pung Bae.”
Selain Gubernur Hendrik, ada lae Wakil Gubernur Abdullah Vanath, Sekda Maluku Sadali Ie, deng orang-orang basar di Pemprov Maluku.
“Rakor ini forum resmi par biking satu langkah, biking sama kebijakan, dan kas kuat komitmen samua par bangong Maluku,” bilang Hendrik waktu kase sambutan.
Gubernur Juga Wakili Pemerintah Pusat
Hendrik ada Kase inga, tugas gubernur bukang cuma kapala daerah provinsi, mar juga Gubernur Wakil Pemerintah Pusat (GWPP) sesuai aturan undang-undang.
“Tugas GWPP itu jelas: Wakili presiden di daerah, jaga keutuhan NKRI, pastikan stabilitas, deng jamin kebijakan nasional akang tasambung deng kebutuhan lokal,” jelasnya.
Ia ure akang, ada 46 tugas atributif gubernur, mulai dari pelantikan, pembinaan, evaluasi APBD, pengawasan peraturan bupati/wali kota, sampe jaga proyek strategis nasional musti bajalang, pemanfaatan SDA, dana desa, sampe penataan wilayah perbatasan.
Pesan Buat Bupati/Wali Kota
Dalam arahan, Gubernur Hendrik wanti-wanti par Rakor ini jadi wadah biking satu visi pembangunan Maluku deng arah nasional menuju Indonesia Emas 2045.
Hendrik kase inga soal keamanan. “Peran bupati/wali kota penting paskali baku ator deng Forkopimda, tokoh agama, tokoh masyarakat, sampe anak muda, par bisa cegah anana nae badang pung kalakuang bakalae yang bisa jadibkonflik baelsar,” tegasnya.
Hendrik juga singgung surat Mendagri soal Siskamling. Katanya, bupati harus awasi sampe tingkat desa, termasuk evaluasi dana desa dan pastikan kepala desa sesuai aturan.
Maluku Pung Bae
Di akhir, Hendrik bilang, “Peran GWPP itu bukan cuma tulisan di undang-undang, tapi harus nampak nyata dalam tata kelola pemerintahan, supaya bisa bawa kemajuan, keadilan, dan kesejahteraan par Maluku pung bae.” (red/rm)
