AmbonVibes.com – Satu rombongan pedagang asongan, lebe banya mama-mama, dong rame-rame pi ka Kantor Gubernur Maluku, Rabu (10/9/2025). Dong pi minta jalang kaluar tagal dong dapa larang bajual di dalang Pelabuhan Yos Sudarso Ambon.
Para pedagang pi kantor gubernur, ada anana muda dari Lumbung Informasi Rakyat (LIRA) Maluku batamang dong. Kaimudin Laitupa deng Toriq Kapailu jadi kapala par dong.
Minta Izin Bajual Kumbali
Salah satu pedagang, Salim Rumakefin bilang, dong minta Gubernur Maluku Hendrik Lewerissa par capat pangge Pelni dan Pelindo par bikin abis masalah ini.
“Katong minta pedagang asongan bisa dapa izin jualan kumbali di dalam areal pelabuhan sampe di kapal Pelni. Tagal itu itu satu-satunya cara par katong cari makang,” ungkapnya.
Sudah Tiga Bulan Seng Bisa Cari Nafkah
Pedagang asongan mangaku, su amper tiga bulang dong seng bisa bajual di pelabuhan lae tagal dapa larang dari dong yang pung kuasa di sana.
“Padahal bajual itu yang biking katong bisa kase skolah anana, bisa par bali rumah tangga pung hal-hal. Mar tiga bulang ini, katong seng tau lai musti pi mancari di mana,” kata salah satu ibu pedagang deng nada sedih.
Salim Rumakefin tambah akang, pemerintah daerah musti ambe kaputusang jelas soal nasib pedagang asongan.
“Kasiang ini mama-mama, dong musti banting tulang par dong anana yang skolah sampe kuliah. Katong harap pemerintah hadir, jang tinggal diam,” tegasnya. (Piere)
