AmbonVibes.com – Kaco antarwarga di Pulau Haruku, Kabupaten Maluku Tengah, pica kumbali, Selasa (9/9/2025). Warga Kailolo dan Kabauw baku lipa pake sajam deng bom rakitan. Satu orang maninggal dan ada lima orang luka-luka.
Kronologi Bentrokan
Kapolres Pulau Ambon Kombes Pol Yoga Putra Prima Setya bilang, kaco ini kamuka cuma bakumalawang antara dua orang. Korban maninggal, mangkali tagal kana bom.
“Banar, dong bakalae kira-kira jam 11.00 WIT di sipat Kailolo-Kabauw. Korban jiwa deng luka su ada data,” jelas Kapolres.
Data polisi, ada lima orang luka kena sajam, deng ada satu orang meninggal. ledakan bom rakitan.
Sampe matahari su mo maso, situasi di sipat dua negeri masih panas. Video amatir yang tabage kase lia baku serang. Korban luka su dapa bawa, dan dapa dengar suara bom pica dan toki-toki tiang listrik jadi tanda bahaya.
Polisi dan TNI Turun Tangan
Ratusan aparat gabungan su langsung turung ka lokasi, dari Polresta, Brimob Polda Maluku, Samapta, sampai TNI Yonif 731 Kabaresi.
“Ada 4 SST atau 120 personel gabungan tambah dari Kodim dan Yonif 731. Katong su biking tiga pos par jaga-jaga di sipat Kailolo-Kabauw, dan jalur pegunungan,” kata Kapolres.
Imbauan Tahan Diri
Aparat minta masyarakat dua desa jangan gampang terpancing emosi. Polisi dan TNI masih berjaga ketat untuk cegah jatuh korban tambahan, sambil selidiki apa pemicu utama bentrokan.
“Situasi sementara terkendali, tapi kami tetap minta warga dua negeri bisa tahan diri,” pungkas Kapolres. (Tim)
