AmbonVibes.com – Warga Negeri Waai Kecamatan Salahutu, Maluku Tengah biking suasana sore jadi rame tagal dong biking Lomba Goyang Tabula-Bale di kintal Baileo Patasiwa, Jumat (5/9/2025).
Acara ini dong biking par biking rame hari jadi ka-90 Gereja Protestan Maluku (GPM). Panitia Hari-Hari Besar Gerejawi (HHBG) Jemaat GPM Waai yang handel akang.
16 Grup Turung Arena
Dari anana sampe orang dewasa, total 16 grup iko tampil goyang, bae dar dalang deng luar sektor pelayanan jemaat. Orang batambong datang nonton dan suasana pono deng hura-hura.
“Acara ini biking katong lebe deka, bukang cuma jemaat mar orang dar mana-mana jua Iko sanang dalang pesta hari jadi GPM,” bilang salah satu panitia singkat.
12 September Baru Tau Juara
Par mo tau sapa jawara lomba, panitia simpan dulu jadi rahasia. Pengumuman resmi baru dapa kase tau nanti waktu Pasar Injil Jemaat GPM Waai, 12 September 2025 nanti.
Polisi Jaga Kondusif
Par jami acara aman, personel Polsek Salahutu dan Bhabinkamtibmas Negeri Waai Aipda R. Ririhatuela, iko turung buang-buang mata. Sampe lomba selesai pukul 17.45 WIT, suasana tetap rame deng tertib paskali.
“Katong hadir par tau pasti kegiatan bajalang aman, lancar, dan masyarakat bisa iko acara deng tenang,” ujar salah satu aparat di lokasi. (Piere)
