AmbonVibes.com – Pemerintah Kota Ambon biking Ziarah deng Ambor Bunga di Taman Makam Pahlawan (TMP) Kapahaha, Tantui, Ambon, Sabtu (6/9/2025). Acara ini jadi bageang dar harjadi ka-450 Kota Ambon pas jatuh 7 September.
Wali Kota Ambon Bodewin Wattimena pakae baju cele moi, pakaian khas Ambon. Ontua yang pimpin akang acara ini. Wakil Wali Kota Ely Toisuta jua iko hadir. Ada Penjabat Sekkot Robby Sapulette, Ketua DPRD Morits Tamaela, Forkopimda, Kapolresta Ambon Kombes Pol Yoga Prima Setya, perwakilan Dandim 1504/Ambon, pimpinan OPD, sampe pejabat Pemkot Ambon.
Hargai Jasa Pahlawan
“Ziarah ini par katong hormat katong pung pahlawan yang su babanting par bangsa ini mardeka, juga par kas bangong Kota Ambon,” bilang Wali Kota Bodewin.
Dia tambah lae, katong sumbayang arwah pahlawan dapa tarima Tete Manis, sadangkan warga Ambon sakarang dapa semangat par tarus biking Ambon lebih bae.
“Katong yang ada hari ini musti kas tarus samangat juang itu par bikin Ambon tambah maju,” ungkapnya.
Tema HUT Jadi Pemicu Semangat
Masih kata Bodewin, momen hari jadi ke-450 akang pung tema “Bergerak Bersama Par Ambon, Maluku Deng Indonesia Pung Bae” harus bikin semua masyarakat dan pemerintah kompak par biking bae kota.
“Kalau samua baku pegang tangang, Ambon pasti bisa lebe bae. Bukang cuma par Maluku, tapi juga par Indonesia,” tambahnya. (Leo)
