AmbonVibes.com – Cilaka jadi kumbali di atas Jembatan Merah Putih (JMP) Ambon, Jumat poka-poka (5/9/2025) sekitar pukul 00.30 WIT. Ada oto Toyota Fortuner DE 1520 AJ dapa hantam oto dump truck DE 8862 MU yang ada bamuat aspal.
Akang Pung Kronologi
Kasi Humas Polresta Pulau Ambon-Lease Ipda Janete S. Luhukay carita, kejadian akang mulai waktu dua kendaraan melaju dari arah Poka manuju pusat kota.
Dump truck yang dapa stir dari Abdul Selay (29) ada di muka, sedang Fortuner dapa stir dari Muslimin Saputra (37) iko balakang.
“Pas sampe di TKP, dump truck mati mesin trus ban balakang kiri pica. Oto sempat atrek, jadi Fortuner di balakang langsung lipa,” jelas Luhukay.
Untung Seng Ada Korban
Bageang muka oto Fortuner rusak cukup parah. mar bae jia seng ada korban jiwa dalang cilaka ini.
Ipda Janete bilang, dua pihak sama-sama sepakat baku ator masalah pake cara hidop orang basudara
“Dong dua su bicara bae-bae dan selesai secara kekeluargaan,” pungkasnya. (Piere)
