AmbonVibes.com – Ada kabar seru dari Pemkot Ambon! Par biking rame pesta hari jadi 450 taong kota, sapa bawa sampah plastik ke Taman Pattimura hari Jumat (5/9/2025), dia bisa tukar sampah plastik deng kepeng.
Harga Bikin Kaget: Rp5.000 per Kilo!
Kepala DLHP Kota Ambon Apries Gaspersz bilang, samua jenis sampah plastik bisa tukar akang, misalnya botol plastik, galas plastik, deng plastik laeng.
“Warga cukup bawa sampah plastik dari rumah, mar su ator akang bagus-bagus Iko akang pung jenis plastik par nanti gampang proses akang. Katong kase harga Rp5.000 per kilo, itu lima kali lipat dari harga pasaran,” jelas Apries.
Biasanya pengepul cuma ambil Rp1.000 per kilo. Jadi kali ini benar-benar kesempatan emas biking sampah jadi kepeng.
Target Sampai 10 Ton
Pemkot su ser bisa kumpol 10 ton sampah plastik dari program ini. Selain kasih kepeng par warga, tujuan utama juga par orang tambah sadar pilah sampah dari rumah.
“Deng cara ini, warga sadar, sampah jua pung nilai ekonomi kalo urus akang bae-bae,” tambah Apries.
Karja Sama Bank Sampah Lestari
Kegiatan ini bisa jalang tagal ada karja sama Pemkot deng Bank Sampah Lestari. Warga bisa datang bawa sampah plastik yang dong su pilah ka Taman Pattimura mulai jam dua tengah hari sampe matahari mo maso jam anak sore.
Pemkot harap, karja mudel ini bukan cuma biking Ambon tambah barsih,mar juga jadi bukti, sampah plastik bisa balik jadi manfaat nyata par masyarakat. (red/mcambon)
