AmbonVibes.com – Polisi dari Ditreskrimum Polda Maluku su resmi biking satu laklaki jadi tersangka par parkara babakar deng kas rusak rumah di Desa Hunuth, Kota Ambon.
Kabar ini dapa tau langsung dari Direktue Reskrimum Polda Maluku Kombes Pol Dasmin Ginting. Saat Kase keterangan pers, ada Kabid Humas Kombes Pol Rositah Umasugi dudu di sabalah. Dong biking Konferensi pers di markas Ditreskrimum Polda Maluku, Sabtu (30/8/2025).
Satu Orang Ditahan
Kombes Dasmin bilang, tersangka itu dia pung nama I.S. Samua ini hasil proses penyelidikan panjang, termasuk pariksa 33 saksi.
“Hari ini, dari hasil pemeriksaan saksi-saksi deng alat bukti yang cukup, katong tetapkanbsatu orang tersangka inisial I.S,” jelas Dasmin.
I.S dapa jerat pake Pasal 406 KUHP tentang perusakan barang. Menurut Dasmin, ini bukti polisi serius jaga keadilan par orang banya.
“Katong tatap komitmen Kase tuntas parkara ini deng cara profesional,” tambah Dasmin.
Penyidikan Masih Bajalang
Maski sudah ada satu tersangka, polisi masih tarus lia lebe dalang soal parkara ini. Har Senin (1/9/2025) ini, penyidik rencana panggie 14 saksi lae.
“Tujuh saksi lama mo dapa pangge ulang, sementara tujuh laeng itu saksi baru. Katong harap dong saelmua bisa hadir,” kata Dasmin.
Jang Terprovokasi Isu
Kabid Humas Polda Maluku Kombes Rositah Umasugi bilang, polisi mo tangani kasus ini pake cara profesional deng transparan.
“Sesuai Bapak Kapolda pung arahan, samua proses bajalang sesuai hukum yang berlaku,” ujarnya.
Rositah juga minta masyarakat tetap tanang, jang gampang dapa hasut isu liar di medsos. “Karong minta masyarakat panjang sabar, deng jang gampang parcaya info yang seng jalas, karena itu bisa ganggu samua pung keamanan,” tambahnya.
Polisi subl kase pasti, mo usut tuntas kasus ini par ada kepastian hukum deng juga jaga keamanan di Ambonm (Keket)
